श्वान सभा

भटक्या श्वानांची रस्त्यावर

आज दुपारी सभा भरली

त्यांनीच सगळ्या प्राण्यांमध्ये 

पहिली पहा बाजी मारली ...

एक मतांने साऱ्या जणांनी

ठरवला होता एक पण

बेवारशी आपण सारेच

तूच कर आमचे रक्षण ...

माणूस राजाला गेले पत्र

विनंती नाही धमकी मात्र

किती जणांना करू मदत

राजा जाहला गलित गात्र ...

प्रयत्न राजाने न सोडले

कोणी केले नाही तेही केले

हळूच साऱ्याच प्राण्यांनाही

कष्ट करणे हे शिकवले