उंबरठा
उंबरठा
स्त्रियांनी ओलांडला
जेंव्हा उंबरठा
गाजावाजा झाला
केला ठणाणा
माजघराच्या बाहेर
न येणारी स्त्री
पाहिले पाऊल
भितीने टाकलं
बाहेरच्या मोकळ्या हवेत
कधी घाबरली
कधी थोडं बावरली
शिकली , सवरली
मग कक्षा तिची रुंदावली
गगनात भरारी मारली
किती पदे , किती पदव्या
प्रमाण पत्राने तर
कपाटे भरली...
वकील , डॉक्टर
अगदी कमिशनर पर्यंत
मजल मारली...
आज तुझा गे
अभिमान मजला
तुझ्या पदाने
मान गे उंचावली ..
देवास प्रार्थना
राहू दे असाच तुझा
मनात साऱ्यांच्या सन्मान
परी एक सांगते
वागण्या , बोलण्यात
सतत ठेव ग तुझे भान ...