Library
Profile
धुंद मिठी
धुंद मिठी
1 min
264
साक्ष आपुल्या प्रेमाची
मिठी ती मंतरलेली
विसरुन आसमंत
अनुभूती प्रेमातली (१)
प्रेम निखळ चांदणे
शुभ्र शीतल मृदुल
कर पडता गळ्यात
गंध उमले अतल (२)
स्पर्श फुलवी रोमांच
किती नहावे तयात
रोमरोम उमलले
तृप्त दोघेही मनात (३)
वेडी खुळीच आपुली
प्रीतवेल बहरली
खूणगाठ मनातली
मनालाच उमजली (४)
रम्य विश्व मिठीतले
मिठीतच उमलले
घट्ट मिठीत सामावे
सुख अद्वैतामधले (५)
प्रेमातल्या ' त्या ' मिठीची
आठवण मनांतरी
धुंद विश्व प्रेमिकांचे
मनःपटलावरती (६)
जाता मी दर्याकिनारी
आठवांचा साठा ऊरी
प्रीत कोकण भूमीत
उमलली विरलीही (७)
