देवाला प्यारी लेक माझी

संसार फुलला गोड माझा

पती आहे प्रेमळ खूप ,

संसारवेलीवर दोन फुले फुलले

बहिण भाऊ पाहून जगण्यास वाटे हुरुप

 गोड संसाराला लागली नजर

मुलगी माझी गुड्डू होती छान ,

अचानक पडली आजारी खूप

आठ महिन्याची कसले नाही भान..

ईलाज होता चालू तरी

दुखणे काही समजेना ,

निमोनियाची केले उपचार ,पण

तिला बरेच काही वाटेना...

एक दिवस खूपच लागली रडायला

आम्हाला काही नव्हते समजत ,

दवाखान्यात केले अँडमीट तेव्हा

 मेंदूज्वर झाल्याचे कळले निदानात .

चोविस तासात खेळ झाला

जीव काळजीने थरथरला असा ,

देवाला प्यारी झाली लेक माझी

स़ागा हा नियतीचा खेळ कसा...?

माझ्या परी राणीसाठी माझा जीव

अजुनही खूपच कासावीस होतो ,

सोळा वर्षे उलटली तरी आठवणीत

 माझा जीव तिच्यासाठी सदैव झुरतो..