बाप

जन्मदाता बाप । प्रेम सर्वांवरी

कष्ट सदा करी ।आम्हा साठी ।।१।।

पोटास चिमटा ।स्वतःच्या देऊनी ।

मुलांना शिकूनी ।मोठे करी ।।२।।

 कैवल्य अफाट । कर्तव्य अपार ।

लेकीसाठी फार ।जीव तुटे ।।३।।

शिकवण दिली ।त्यांनी संस्काराची ।

सदा जपायाची ।जीवनात ।।४।।

भोगलेत दुःख ।सोसलेत कष्ट ।

लागो नये दुष्ट । आता तरी ।।५।।

त्यांच्यामुळे जगी । आलो भाग्यवान

ठेवा त्यांचा मान । सदोदीत ।।६।।

देऊ प्रेम सदा । त्यांना सांभाळूनी

मिळेल जीवनी ।आशिर्वाद।। ७।।