वृक्ष देती छाया

वृक्ष देती सदा छाया

 सर्वांवर माया करी,

फुले ,फळे देती सर्वां

कृपाछत्र सदा धरी .

जीवनात हो वृक्षांचे

जाणा महत्व सर्वांनी ,

प्रत्येकाने एक झाड

लावा आपल्या अंगणी .

शोभा जगी झाडांमुळे

 प्राणवायू सर्वां देती ,

अन्न मिळे सर्वांनाच

वृक्ष जीवदान देती ..

झाडे लावा हो जगवा

वसा घ्यावा प्रत्येकाने ,

जीवापाड काळजी घ्या

फुले आयुष्य वृक्षाने ..

झाडे वाचवा सर्वांनी

पृथ्वी वाचवा सर्वांनी ,

तरच फुलेल जग

सुख नांदेल अंगणी .