आला श्रावण श्रावण

आला श्रावण श्रावण

 मन ओलेचिंब झाले ,

 रिमझिम आल्या सरी

 धुंद पावसात न्हाले .

 वाट पाहे चातकही

 भिजायला पावसात,

 खट्याळ रे मेघराजा

असा बरस जोमात .

तुझ्या येण्याने आनंदी

होई जगाचा पोशिंदा ,

साथ देशील का त्याला?

चाले त्याचा कामधंदा ,

 राने श्रावणसरींनी

 कशी भरुन वाहती ,

माझ्या बळीराजाचे रे

डोळे आनंदे नाहती .

श्रावणात येती सण ,

सख्या आनंदे नाचती ,

झोका झाडाले बांधून

सया गोड गाणे गाती .

राखीपौर्णिमेला येते

मोहराची आठवण ,

भेटीसाठी भावाच्या रे

आतुरते सखे मन .

सुखी ठेव देवराया

सदा माझ्या माहेराला ,

तुझा राहू दे आशिष

येवो उधाण हर्षाला .