ती उपेक्षितच
ती उपेक्षितच
1 min
275
जन्माआधीपासूनच वैरी
तिचा हा समाज बनला,
पोटातच भ्रूण हत्या करून
दैवाने तिचा खेळ मांडला.
निष्ठूर झाला समाज इतका
जो तो तिला शोषतो आहे ,
एकीकडे करून देवीची पूजा
दुसरीकडे हत्या करतो आहे.
शिकून-सवरून स्त्री झाली
मोठी विद्वान, झाली सबला,
सुशिक्षित समाजओरबाडतो तिला
मानुनी सदैव अजूनही अबला.
नवरात्रीत करती देवीचा जागर
भारतात मोठ्या उत्सवाने साजरा,
पण अजूनही आहे तिच्याकडे
पापी लोकांच्या क्रूर नजरा .
कधी होईल तिच्या निर्दयी
वेदनांचा अंत या आयुष्यात,
का उपेक्षितच राहिल सदैव
घेता येईल का आनंद जीवनात.