देव तेथेचि जाणावा

करता सोहळे त्या देवाचे

दगडालाच देव जाणून

पाप-पुण्याचा लेखाजोगा

त्याच्याच पदरी सोडून

दगडाला फासून शेंदूर

देवपण आणायला धावता

परी त्या भुकेकंगालांना

का ओ असे विसरता

देवाला प्रसन्न करण्या

नैवेद्याचे सोहळे करता

तोच घास दिला त्या गरिबाला

हर्षाने डोलेल ती निरागसता

सोहळे देवाचे जरूर करा

परी जतन त्या मूल्यांचे करा

देवघरच्या त्या फुलांचे

चला भवितव्य उज्वल करा

देव शोधू नका दगडात

तोचि माणसात मानावा

दीन दुबळ्यांची करा सेवा

देव तेथेचि जाणावा