छत्रपती..
छत्रपती..
रांज्याच्या पाटलाचा खात्मा
चंद्ररावांची शिवबापुढे शरणागती ;
गोरगरिबांना न्याय देणारा
जगातील पहिला छत्रपती .
मराठी वारे वाहू लागले
मावळ्यांचा सेना अधिपती ;
हिंदवी स्वराज्य स्थापणारा
जगातील पहिला छत्रपती .
शिवललकारी नभाला भिडली
चकाके तलवारीची पाती ;
निद्रिस्तांना जागे करणारा
जगातील पहिला छत्रपती .
शत्रूची दाणादाण उडवली
आदिल- निजाम थरारती ;
गनिमी युद्धतंत्र देणारा
जगातील पहिला छत्रपती .
शाहिस्तेखानाची बोटे तोडली
अफजलखानाची केली माती ;
औरंगजेबाला चितपत करणारा
जगातील पहिला छत्रपती .
आग्रा दरबारी भेटीला गेले
नाही मरणाची भीती ;
बादशहाच्या हाती तुरी देणारा
जगातील पहिला छत्रपती .
मरणाशी क्षणोक्षणी भिडला
पराक्रम केला असामान्य किती ?
प्रजेच्या हितासाठी झटणारा
जगातील पहिला छत्रपती .