बिनचेहऱ्याचा समूह
बिनचेहऱ्याचा समूह
जगण्याच्या पारावरती
जमतात प्रवाही व्यक्ती
पाचोळ्यांतून धुरळा उठतो
अशी अनामिक शक्ती
सृजनाची चर्चा इथे
अशी निरंतर होते
व्याप असूद्या कितीही
मिळूनी तडीस जाते
व्यक्तीमत्वांच्या आडोशाने
एकीत उतरते स्वत्व
सहाय्याने एकमेकांच्या
कर्मात दिसते तत्व
बिनचेहऱ्याच्या समूहाला
निखळ सुंदरता येते
या हृदयीचे त्या हृदयातून
गीत मनोहर गाते