लाइब्रेरी
प्रोफाइल
सलिल श्यामल
सलिल श्यामल
1 min
223
क्षिति विरह व्याकुळ
जशी राधा वृंदावनी
अब्द दुरूनच पाही
हरी श्यामल बनूनी
उर्वी तप्त तहानली
जणू राधिकेची तृष्णा
मेघ नाही बरसला
स्तब्ध गोकुळात कृष्णा
मही आवाहन करी
आर्त पुकारा प्रेमाचा
परि सलिल कठोर
गुण निर्दयी श्यामाचा
भूमि कवेत तोयाच्या
राधा मोहनाची मिठी
नीर निरद प्रसवी
श्याम वाहे नदीकाठी
धरे पर्जन्याची ओढ
वेड राधेला भक्तीचे
पय जीवनाचे रुप
कृष्ण स्वरुप तृप्तीचे
