तुझ्यासाठी

आलोय तुफानांना भेटून तुझ्यासाठी

मृत्यूस सखी आली रोखून तुझ्यासाठी

पाऊस किती झाला शहरात नदी आली

पूरात सखी आलो पोहून तुझ्यासाठी

माझे मन थरथरले बागेत फुलासाठी

काटयांत गुलाबाला पाहून तुझ्यासाठी

दुष्काळ किती होता वाळून फुले गेली

आलोय ऋतू सारे घेऊन तुझ्यासाठी

दैवात तुझ्या माझ्या भेटीच कुठे होत्या

आलो नशिबालाही बदलून तुझ्यासाठी

वाटेत तुझ्या माझ्या अंधार किती होता

आयुष्य सखी आलो जाळून तुझ्यासाठी

प्रेमात तुझ्या पंकज वेडा बनला भुंगा

बंदिस्त फुलामध्ये होऊन तुझ्यासाठी