खुलता कळी खुलेना

खुलता कळी खुलेना

असे काय ग झाले आज

सांग मजवरी का रुसली

काही न बोलता कधीची

गुमसुम होऊनी बसली       1

न येती आज विचार मनी

पाही न वळूनी मजकडे

किती मनवावे तुजला 

कसे काही न सुचे गडे       2

विषय पाहिला बदलूनी

नको पद्य तर गद्य पाहू

तुझे झरणे कर ना सुरु

अशी रुसुनी नको राहू        3

दिन एक पण नसे शक्य

तुला न धरिले मम करी

उदासीन वाटे  दिनभर

काय करु तू सांग तरी        4

हाश !हसली तू खुदकनज

जणु चमकली नभी चांदणी 

भावना मनी स्फुरल्या बघ

धावत आली पहा लेखणी.      5