Library
Profile
मृग सरी
मृग सरी
1 min
14
तप्त झाली वसुंधरा
मेघ गर्दी नभांगणी
आला सोसाट्याचा वारा
मृगसरी त्या अंगणी
वाजवित ढोल ताशे
मेघ राजा बरसला
नृत्य दावी सौदामिनी
मोर आनंदे नाचला
चिंब झाली वसुंधरा
आल्या आल्या मृग धारा
ओल्या झाल्या वृक्षवेली
गाणी गात फिरे वारा
मुले नाचती आनंदे
गात गाणी पावसाची
टपटप झेली धारा
माळ दारी पागोळ्याची
पक्षी उडती मजेत
थेंब सरींचे झेलीत
बळीराजा आनंदला
पाही शनिवारी खुशीत
मृगसरी बरसता
मृदगंध पसरला
तृप्त जाहली अवनी
मोद भरूनी उरला
वैशाली वर्तक
अहमदाबाद
