ലൈബ്രറി
പ്രൊഫൈൽ
कर्तव्याच्या पथावर
कर्तव्याच्या पथावर
1 min
22
संपताच बालपण
येते जाण कर्तव्याची
ऋण असे पालकांचे
ठेवू ध्यानात सदाची.
समाजात वावरतो
त्याचे पण, देणेकरी
समाजोपयोगी राहू
कर्तव्याच्या पथावरी
जीवनात निरंतर
कर्तव्यांची असे रांग
निसर्गाचे संवर्धन
याला मारु नका टांग
स्वच्छ देश अभियान
मंत्र ठेवूनी ध्यानात
आत्मनिर्भरता हवी
बलशाली करण्यात
देहातून देवाकडे
जाता मधे लागे देश
देशभक्ती हवी याचा
मनी ठेवावा संदेश
अशी मौलिक कर्तव्ये
जरी वाटे खडतर
पाळावीत जीवनात
कर्तव्याच्या पथावर
