நூலகம்
சுயவிவரம்
भावनांचा ओलावा
भावनांचा ओलावा
1 min
416
माझ्या घरातील बैठक अन
तुझ्या घरातील बैठक
खूप फरक आहे दोहोंत
तुझ्या घरातील बैठकीत
सुबक नक्षीदार सोफासेट
अन मलमलच्या गालिच्यासह
कुशनच्या महागड्या खुर्च्या
माझ्या घरातील बैठकीत
जुना लोखंडी पलंग
अन अंथरलेल्या जुनाट सतरंजीसह
जुन्याच फोल्डिंगच्या खुर्च्या
तुझ्या बैठकीतील उत्तम आरास
मला आकर्षित करते ,
मोहित करते
आता तूच सांग ,
तुला उमजेल का
माझ्या घरातील बैठकीतील
त्या जुनाट वस्तूंमध्ये
गुंतलेल्या
माझ्या भावनांचा ओलावा
