वास्तव

आता मौनसुद्धा 

आकांडतांडव करायला लागतंय 

मौनाच्या या कोलाहल वजा दंगलीत 

सर्वच भरडू लागलेत 

बुद्धिवादी, तत्ववादी आणि वगैरे वगैरे

खरं तर

मौनातच तृप्त असणारं मन 

पण त्या मनातच काहूर माजतंय 

मौनाच्या वेदना 

इंद्रायणीच्या महापूरासम 

अंगावर कोसळत जातात 

अपूर्णतेचं वास्तव 

असहाय्य करत जातेय मौनाला 

आकांडतांडव करण्यास

आणि मग -

खरा अर्थ कळतोय 

कैवल्याचं देणं असणाऱ्या 

समाधिस्त माऊलीच्या मौनाचं..!