शोध ....!

भारत माझा देश आहे ....! 

      लहानपणी शाळेत ही प्रतिज्ञा म्हणतांना 

      घश्याला कोरड पडायची ....

      प्रभात फेरीत 

      भारत माता की जय ,,,, 

      म्हणत, पाय दुखेस्तोवर फिरायचो , 

      मग, हातात मिळणारी 

      पारले जी ची दोन बिस्किटे पाहून 

      आनंद व्हायचा , 

      छाती गर्वाने फुगायची ,

      देश - देशाभिमान तनामनात जागायचा 

      पुढे 

      जसा जसा मोठा झालो ,

      माझा भारत देश मी शोधू लागलो ,

      स्वातंत्र्यानंतरचा राज्यघटनेतला 

      भारत देश 

      कधी सापडेल बरं , मला ....????