उसासे . . . !
उसासे . . . !
आठवतंय मला
लहानपणी कुणाची अंत्ययात्रा
दिसली की ,
कळवळून यायचं मला ,
आतल्या - आत खूप - खूप
रडायचो मी
ते माझं अजाणतेपण होतं
की , समजून जायचं मला
कुणास ठावूक ....?
पण आता मी प्रौढ झालोय
तरीही मन . . . . अंतर्मन
तेच आहे .
भावनाही तशाच आहेत .
असं काही दिसलं की ,
अजूनही रडतो मी आत - आत
मोठ्यांनी चारचौघात
रडणं बरं नसतं ना म्हणून .
एवढंच की ,
ओम शांती शांती म्हणत
त्या दुःखावर पांघरूण
घालतोय
आणि वर येणारे उसासे
आत दाबून टाकतोय