लाइब्रेरी
प्रोफाइल
भाकरी
भाकरी
1 min
189
माझा बाप शेतकरी
रातदिस श्रमकरी
उन्हातन्हात राबतो
माय त्याले साथकरी
माझ्या मायच्या हाताला
येगळीच चव न्यारी
जरी चटणी भाकरी
पोटभर खाती सारी
पहाटेच्या पारी माय
लगबग करोनिया
भाकरीची चवड करी
टोपलीत ठेवुनिया
सारी कामे करोनिया
देण्या धन्यास शिदोरी
जाई माय लगोलगी
ठेचा कांदा नि भाकरी
शेतामंधी येता पीक
दोघं पाहती सपान
भाकरी फुगावी तशी
फुलती हो त्यांची मन
