भाग्यवान मी

हा भाग्यवान मी | जन्मलो सजीव ||

नसावी उणीव | जगताना ||१||

नशीब कठोर | देतो मी परीक्षा ||

 सोसतो मी शिक्षा | आनंदाने ||२||

काळ हा कठीण | जाऊया सामोरे || 

यशाचे मनोरे | रचूनिया ||३||

कष्टाची शिदोरी | लागते चवीला ||

 असावी ठेवीला | संदुकात ||४||

भाग्य लिहिताना | ठेवावी तयारी || 

नशीबाची स्वारी | हातामध्ये ||५||

सातत्य तुटता | भाग्य डगमगे ||

भीती मना लागे | निराशेची||६||

नको कुचराई | कामात रोजच्या ||

विचार पुढच्या | भविष्याचे||७||

सांगते सुप्रिया | मूलमंत्र पाळा ||

 वाद सारे टाळा | जीवनात||८||