बेफिकीर

 जीवनाच्या या प्रवासात

 सुख येणार दुःख जाणणार

 नाही उलगडणार कधी खेळ 

या जीवनाच्या रहस्याचा 

 उघडुनी खिडक्या मनाच्या 

कधीतरी होऊन बेफिकीर 

आनंद घ्यावा या सुंदर जीवनाचा

  

सेकंदा सारखं न धावता  

असावा संयम तासाचा 

कधीतरी बेफिकीर होऊन जगावे 

कोंडमारा होईल नाहीतर श्वासाचा  

क्षणभंगुर हे जीवन

 दूर पळवावे चिंता विवंचना

 निराशा आणि भीतीला 

पसरावे सर्वत्र आनंदाचे कण 

 कधीतरी जगावे बेफिकीर होऊन 

 धावपळीत ही शोधावे विसाव्याचे क्षण

 

 निरोगी आरोग्य म्हणजे खरे धन 

विनाकारण चिंता म्हणजे रोगाला आमंत्रण

 होऊनी बेफिकीर खळखळून हसावे,

अलगद जपावे सगळ्यांचे मन

 यशापयशाचा विचार न करता अडचणी 

अडथळ्याला समोर जावे  

जगाची पर्वा न करता होईनी बेफिकीर 

मनासारखे स्वच्छंदी जगावे 

 आपुलकीची मायेची 

माणसं संपत्ती खरी 

जास्त हाव नव्हे बरी 

 रुसवा-फुगवा दूर ठेवूनी 

सडा पडू द्यावा प्रेमाचा  

प्रेमाची माणसं मिळणं 

ही उदय असतो भाग्याचा

आपण आपल्यासाठीच खास

व्हावे कधीतरी बेफिकर 

निर्धास्त होऊन घ्यावा  

 निर्मळ मनाने श्वास  

 होऊनी बेफिकीर 

कधीतरी बाहेर रमावं

आवडता छंद जोपासून छानचं 

काहीतरी वाचावं, लिहावं 

स्वच्छंदी होऊन मोकळ्या 

आकाशात पक्षासम उडावं 

खट्याळपणे लाडात नाचावं 

हसत खेळत कधी खळखळून रडावं  

आयुष्य मनसोक्त जगावं अन् होऊन बेफिकीर कधीतरी

मनासारखं बागडावं..

शेवटी एवढेच...

 ना हो आज की फिक्र ना हो कल का डर 

बना खुद की हस्ती कुछ ऐसी की हो जाये तू बेफिकर.