तुकडोजी महाराज

माणिक इंगळे | होते मूळ नाव |

यावली हे गाव | असे त्यांचे ||१||

भजन कीर्तन | जातीयता दूर |

अंधश्रद्धा दूर | केली त्यांनी ||२||

महान ते संत | म्हणे तुकडोजी |

गुरू अडकोजी | थोर होते ||३||

रचे ग्रामगीता | खेड्याकडे चला |

माणूस हा भला | तुकडोजी ||४||

विचारसरणी | साधी ग्रामोन्नती |

तीच रे उन्नती | केंद्रबिंदू ||५||

मोझरी आश्रम | केंद्र विचारांचे |

त्यांच्या हो कार्याचे | आज उभे ||६||

कर्मकांड दूर | सर्वधर्म भाव |

गुरुकुंज नाव | आश्रमाचे ||७||

स्वातंत्र्यलढ्यात | भोगी कारावास | 

संत सहवास | तुकडोजी ||८||

राजेंद्रप्रसाद | मंत्रमुग्ध झाले |

त्यांनी संबोधले | राष्ट्रसंत ||९||

ते तुकड्यादास | करी प्रबोधन |

खंजिरी भजन | समाजात||१०||