पाहता तुझे स्मित

पाहता तुझे स्मित

मन जाते हरकून ।

विचार नसतो दुसरा

जातो सारेच विसरून ।

बघतो डोळ्यात तुझ्या

सुखाचा एक झरा ।

पापणीही मिटत नाही

हसरा तुझा चेहरा ।

नकळत येती विचार

काय तुझ्या मनात ।

डोळेच संगती मग

कळते अंतरास क्षणात ।

पुरे आता खेळ हा

चल करू या संवाद ।

आसुसले कान माझे

आहे ऐकायचा नाद ।

आकाशातल्या चांदण्या

सोबत तुझ्या मोजायच्या ।

क्षितिजाआड जाऊनिया

गुजगोष्टी खूप करायच्या ।