Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Pandit Warade

Classics

2  

Pandit Warade

Classics

बाप

बाप

1 min
7.0K


प्रेमस्वरूप हे रूप ईश्वरी आई माझ्यासाठी

बाप माझा लई कष्टला माझ्या भल्यासाठी


शेत कसाया राब राबतो ऊन पावसात

मोती पिकवतो घाम गाळुनी आपुल्या शेतात


बाप माझा काट्याकुट्यातून फिरे अनवाणी

घर चालवण्या रात्रंदिस करी रक्ताचे पाणी


स्वतःसाठी ना कधी खर्चतो खिशातून दमडी

बायको मुलांसाठी झिजवतो स्वतःची चामडी


चांगली शाळा, कॉलेज शोधतो मुलांच्यासाठी

फी, डोनेशन भरण्यासाठी राहे उपासपोटी


तऱ्हेतऱ्हेचे कपडे घेतसे बाप मुलांसाठी

फाटकेच परी धोतर, सदरा सदा स्वतःसाठी


तळहाताच्या फोडाप्रमाणे केले संगोपन

कन्यादान कन्येचे करतो बाप आनंदानं


पाठवता सासरी मुलीला आक्रंदून रडतो

"सांभाळा चिमणीला माझ्या" विनंती करतो


समजून घ्या बापाला मुलांनो, जरा मनोमनी

नका पाठवू वृद्धाश्रमात तुम्हा ही विनवणी



Rate this content
Log in