बाप
बाप
अंधाऱ्या कोपऱ्यात बसून
बाप अश्रू मोकळे करत होता
जबाबदारीच्या ओझ्याने थकलेला
बाप मात्र कोणच्याच लक्षात नव्हता
विसरून स्वतःची स्वप्न सगळी
जो फक्त मुलांच्या स्वप्नांसाठी झुरत होता
क्षणोक्षणी मुलांना खुश ठेवाण्यासाठी
कुढत असलेला बाप मात्र कोणाच्याच लक्षात नव्हता
स्वतः अडाणी राहून मुलाला शिकवण्यासाठी
दिवसरात्र तो कष्टात खपत होता
रातरात जागून मुलांना शिक्षण देण्यासाठी
खपणारा बाप मात्र कोणाच्याच लक्षात नव्हता
मुलाच्या अंगावरती चांगले कपडे पाहून
खुश होणारा तो निरागस बाप होता
स्वतः फाटके कपडे घालूनही आनंदीत राहणारा
बाप मात्र कोणच्याच लक्षात नव्हता
हरवून उभ आयुष्य कष्टात सगळं
मुलांच्या जिंकण्याची वाट पाहत होता
आई एवढंच निःस्वार्थ प्रेम करणारा
बाप मात्र कोणाच्याच लक्षात नव्हता
लक्ष लक्ष संकटाना हसत सामोरं जाणारा
तो एक सुपरहिरोच होता
आयुष्याच्या खेळात पडद्यामाघे राहणारा
बाप मात्र कोणाच्याच लक्षात नव्हता
आईवरचं प्रेम जसं जगजाहीर करता
तशाच प्रेमाला तोही पात्र होता पण
कुटुंबाची जबाबदारी वाहता वाहता
दुर्लक्षित झालेला बाप मात्र कोणाच्याच लक्षात नव्हता