बाप माणूस

खंबीर मनाची आश्वासक हाक

अबोल - अबोल कौतुकाची थाप

आई असते घराच घरपण तर

बाप असतो चार भिंतीच समर्पण

आईच आईपण सर्वानाच जाणवत

पण बाप मात्र कायम दुर्लक्षितच

कारण आई व्यक्त होते सुख दुःखात

बाप हरकतो , रडतो आतल्या आत

आईचे गोडवे सर्वच गातात पण

बापाचं अव्यक्त प्रेम त्याच्या नजरेत

कुठे ,कोण शोधतो ? तो आईकडून

सर्व खबर घेतो, मदत करतो वेळोवेळी

आईच प्रेम वात्सल्य त्याग समर्पण निर्विवाद सत्य

पण मोठ्या संकटात मात्र आपल्याला बापच आठवतो

आई करते संगोपन, लाड,पुरविते हौस हमखास पण

 विसरू नये कधीच पडद्यामागचा सूत्रधार बाप माणूस