अवलिया...

'कुणी घर देता का घर' म्हणत   
'नटसम्राट' होऊन रंगमंचावर जगले..
तर कधी ' कंट्रोल उदय भाई ' 
म्हणत मनामनात जाऊन बसले..

जाती धर्मातील तेढ रुद्र ' प्रताप '
होऊन ' क्रांतिवीर ' म्हणून मांडली..
तर कधी ' प्रकाश आमटे ' बनून 
जन माणसाला माणुसकी शिकवली..

'अग्निसाक्षी ' मधील 'सायको '
विश्वनाथ अभिनयाचा अंगार होता..
' खामोशी ' मधील मूकबधिर पालक 
जोसेफ संवेदनशीलतेचा हुंकार होता..

'नाम' फाउंडेशनद्वारा बळीसहाय्याने 
शिवछत्रपतींचा वारसा चालवला..
नाव आभाळाएवढं होऊनही 
पाय नेहमी जमिनीवरच ठेवला..

' साधी राहणी उच्च विचारसरणीने
तुम्ही स्वाभिमानी महामेरू आहात..
साऱ्या जगाला हेवा वाटेल असे 
कलाविश्वातील ' अवलिया ' आहात..

नाना.. आज तुम्ही नाहीत पण 
तुमचा अभिनय मरणार आहे..
तुमचा आवाज, तुमची भूमिका 
मनामनात सदैव जगणार आहे..

चित्रपटसृष्टीचा 'वजीर' असलेल्या
अभिनयसम्राटास भावपूर्ण श्रद्धांजली..
पहाडी आवाजाच्या या अजरामर 
कलाकारास विनम्र आदरांजली..