निसर्ग किमया
निसर्ग किमया
भव्यदिव्य पुस्तिकाच
दिव्य सारा हा निसर्ग
जणू धरणीवरचा
मोहमयी प्रतिस्वर्ग ....... ||१||
खुले रश्मी उधळण
प्राची अंगणी उमले
रेखाटतो येता रवी
रांगोळ्यांची नक्षीफुले... ||२||
किलबिल पाखरांची
वृक्षांवरी ती माधुरी
अद्भुतच कलाकृती
तरुवर पर्णांवरी.......||३||
अचूकता साधलेली
भरतीची-ओहोटीची
ऋतुराज्ञी वर्षभरी
बहरल्या कुसुमांची....||४||
पंकातील दल नित्य
तुम्हा-आम्हा सांगे स्थैर्य
पूर आणि वादळेही
शिकविती धीर-धैर्य....|| ५||
फुले निसर्ग किमया
येथे वात्सल्यकुशीत
होऊ 'माणूस',चला हो
देणे शिकू घेत घेत......||६||