लाइब्रेरी
प्रोफाइल
अकस्मात...
अकस्मात...
1 min
12.3K
धावता धावता अकस्मात
जगणे थांबून गेले
मी, माझे करता करता
नव्याने "आम्ही" परत आले
पैसा पत जपता जपता
माणुसकी आटली होती
भयावह लाट आली
माणसे स्नेहाने जवळ आली
तुझं-माझं करता करता
आपलं सारं जमून आलं
धावपळीत हरवलेले संसारसुख
आपुलकीने पुन्हा चिंब न्हालं
ऐक्य स्नेह वात्सल्याची रुपेरी
ऊंच जुळली कमान जराशी
मतभेद क्षणात विरले सारे
जुळले ऋणानुबंध मनाचे मनाशी
