अगं सखी
अगं सखी
जोवर सोपवत नाहीस बाई
धुरा दुसऱ्याच्या खांद्यावर
नाहीच होणार तू मोकळी
पाखरे बसणारच फांद्यावर
अगं घेतलेस बघ तुच तुला
कामाच्या पाशात गुंतवून
कशी निघणार बाहेर सखी
असल्या या रामरगाड्यातून
पाहा जरा तरी स्वत:कडे बाई
अकाली आलेय तुला वृद्धत्व
का वाटते सखी तुला आता
तुझ्यामुळेच संसाराला पुर्णत्व
शिकव जबाबदारी या पिढीला
आहेत पाखरंही खुपच हूशार
पेलवतील ते ही हे कार्य नेटाने
बन आता तू कुशल सल्लागार
कार्यालयातील अवघड कामही
करतात सगळीच चुटकीसरशी
पाहा देऊन जबाबदारीचे ओझे
मिळवतील चतुराईने ते सरशी
मुक्त होऊन मार उंच तू भरारी
टेकू दे आकाशाला तुझेही हात
जोडीदाराचीही मिळेल तुजला
संगतीने बरोबरीनेच बघ साथ
जपले होतेस मनाशी सदा तू
स्वप्न गरूडझेप नभी घेण्याचे
मिळव साफल्य तू या वयातही
बळ आहेच तुझ्यात उडण्याचे