आयुष्यातील इंद्रधनुष्य

काळेकुट्ट ढग दाटून येती 

पावसाचे थेंब भरभरून बरसती 

क्षणात जग अंधारून जातं

पावसामध्ये न्हावून जातं 

सूर्याची किरणे अचानक पसरती

काळेकुट्ट ढग हळुच सरती

ऊन व पाऊस घेऊन रिमझिम बरसती

इंद्रधनुषी छटा आकाशी पसरती

पावसाच्या थेंबात आनंदते सृष्टी 

ऊन पावसाच्या खेळात न्हाहते सृष्टी 

इंद्रधनुषी छटा पसरते आकाशी

हिरवाईने सजते सृष्टी

दाट धुक्याची चादर सृष्टीवरी 

रंगबिरंगी फुलांचा साज सृष्टीवरी 

आयुष्याचे रंग ही असेच आगळेवेगळे...

कधी आनंदाची लहर

कधी दुःखाची लहर

आयुष्यातील इंद्रधनुष्य...

कधी हसवतात

कधी रडवतात

पण आयुष्याची खरी चव

अनुभवातूनच देतात