आशा...

पहा फाकलं आभाळ

होता सुरेख सकाळ

सरला दुःखाचा काळ

येता जीवनी सुकाळ..

झटकता आळस

दिसेल यशाचा कळस

नको वाटाया किळस

दारी असता तुळस...

तेजोमय भास्कर

येतो जीवनी सत्वर

असली जरी आवस

नित्य येतो नवा दिवस...

दुःख जाते रे क्षणात

तेज संचारता तनात

आनंद नांदतो मनात

नसे न्यून काही जीवनात...

नको कोणतीच फुका भ्रमंती

सुखाची नित्य जयंती

मिळते प्रत्येकास रे अंती

सौख्य समाधान शांती....

पहा डोळे उघडून जरा

तो भास्कर आला रे खरा

मारण्या सुखाचा फवारा

जीवनात तुझ्या रे सारा...

आनंदात उठ आता

फाकले नभ आभाळ

झाली सुंदर सकाळ

सरला दुःखाचा रे काळ.....!