आली आली पन्नाशी

चाळिशीला ओलांडता

आली आली हो पन्नाशी

नको मनी संदिग्धता

करु साजरी पन्नाशी

साहित्याचे वरदान

दैवदत्त लाभलेले

कष्ट जिद्द प्रयत्नांनी

पुरस्कार मिळवले

गोड वाणी वरदान

अंगी नम्रता ऋजुता

घेई सहज जिंकूनी

मनी ना आपपरता

नित्य कार्यक्रमांमधे

झरे गोड निवेदन

ज्ञान नि मनोरंजन

द्यावे वय झुगारुन

कृपावंत सरस्वती

देवो आशिर्वचनासी

दीर्घ आयुः आरोग्याचे 

वरदान लाभण्यासी