आज तिरंग्यात पावन झालो मी

उत्सव आज तीन रंगाचा , 

आहे आभाळात सजला । 

वंदन करीतो त्या सर्वाना , 

ज्यांनी भारत देश घडविला ॥ 

स्वातंत्र विरांच्या त्यागाने , 

हा देश महान बनला । 

रंग , रूप , वेश , भाषा , 

सर्वानी मिळून एक झाला ॥ 

सहिष्णूता आणि स्वातंत्र्यता , 

आहे पाया महान राष्ट्राचा । 

भारत भूमीच्या पराक्रमाला , 

सूर्य चमकतो प्रगतीचा ॥ 

आज तिरंग्यात पावन झालो , 

ना जगावे धर्माच्या नावावर । 

माणुसकीचा धर्म या मातीचा , 

बस जगा भारत भूमीच्या नावावर ।।

मुक्त आमचे आकाश सारे , 

राने वने हिरवी झुलती । 

आनंद आज उरी नांदे , 

नभात पक्षी ही स्वैर उडती ॥