उनाड वारा
उनाड वारा
1 min
259
सों सों करुन वाहतो
उनाड वारा वादळाचा ।
मन विचार करीते
ठाव घेण्या आयुष्याचा ।।
वारा उनाड हा आहे
फिरे भोवती गरागरा ।
मनाचे उडती पाखरु
झेप घेतसे अंबरा ।।
उनाड वाऱ्याला काय सांगू
नाही कश्याचे त्याला बंधन ।
क्षणात येऊन तो जातो
त्याला सारेच आहे नंदनवन ।।
वाऱ्याचा तो उल्हास
काळजाला ही भिडतो ।
झुळझुळ वाहून तो
मनी गारवाही देतो ।।
वारा आहे खोडकर
देतो उत्साह जरासा ।
तरी मनाला भावतो
त्याचा स्पर्श हवाहवासा ।।