आई

आई म्हणजे प्रेमाचा सागर,

देवाहून मोठ्या मायेची घागर .

नऊ मास पोटी वाढवते,

आयुष्यभर कुशीत ठेवते.

ओठांवरती एकच शब्द ,

आई , आई तूच फक्त.

तिच्या भोवती फिरत मी राहतो,

प्रत्येक क्षणी तिलाच आठवतो .

तू असताना तुलाच रागावतो ,

तुझ्याशीच चिडतो , ओरडतो .

तू नसताना तुलाच शोधतो ,

तुला शोधण्यासाठी भटकतो .

तुझ्या सारखी तूच एकटी,

हरेक जन्मी यावे मी तुझ्याच पोटी.

आई, आई म्हणत पुन्हा मी येईन ,

तुझ्या कुशीतच झोपी जाईन .

तीच अंगाई पुन्हा तू गा,

स्वप्नी पुन्हा मला घेऊन जा .