आधुनिक युगातील स्त्री मी.

वादळं आली किती जरी

पाय रोवून घट्ट उभी मी

हलणार नाही जागची

आधुनिक युगातील स्त्री मी ..

फसवण्यास मला, मांडला डाव

सवय आहे मला याची

शह देऊनी उभी राहते

आधुनिक युगातील स्त्री मी

वाटेवरती दिसतात दुर्योधन

नाही घाबरत आता यांस मी

स्वसंरक्षण करण्या सज्ज आता

आधुनिक युगातील स्त्री मी

ऑफिस घरकाम नातीगोती

सगळं चतुराईने निभावते मी

आनंदाने करते तारेवरची कसरत

आधुनिक युगातील स्त्री मी...