ഹൌ ഡു ഡു

"ഇന്ന് ഹൌ ഡു ഡു അച്ഛച്ഛൻ വരും "

ഉണ്ണി ഓടി നടന്നു പറഞ്ഞു 

ഹൌ ഡു ഡു അച്ഛഛൻ അമ്മമ്മയുടെ ആങ്ങളയാണ് . അച്ഛച്ഛൻ വന്നാൽ വീട്ടിൽ ഒരു ഉത്സവമാണ് . 

ഉണ്ണിക്കു ഏറെ ഇഷ്ടപ്പെട്ട ദിവസങ്ങളാണ് .. ഈ ദിവസങ്ങൾ 

" ആ ഞ്ഞാഞ്ഞ ഇങ്ങട് ഇരിക്ക "

അമ്മമ്മ പറഞ്ഞു . 

എന്തൊക്കെ ആയിരിക്കും അച്ഛച്ഛൻ കൊണ്ട് വന്നിരിക്കാ . ഉണ്ണി പതുക്കെ അച്ഛഛന്റെ കൈയിലേക്ക് നോക്കി . 

നിറയെ മധുരപലഹാരങ്ങൾ ഉണ്ട്. 

അമ്മമ്മ ഇപ്പോ വിളിക്കും 

ഉണ്ണി വന്നെടുത്തോളുണ്ട് ട്ടോ 

ഉണ്ണി അച്ഛച്ഛൻ കൊണ്ട് വന്ന പലഹാരങ്ങൾ ധാരാളം കഴിച്ചു . 

ഇനി കുറെ കഥകൾ കേൾക്കാം . പക്ഷേ ആദ്യം അമ്മമ്മയോട് നാട്ട് വിശേഷം പറയും . പിന്നെ അമ്മയോട് 

അതിനു ശേഷം ഉണ്ണി . 

എന്നാലും കുറെ കഥ കേൾക്കാൻ പറ്റും .. 

"ഉണ്ണിക്കുട്ടന് ആർട്ട് ബുക്ക് ഉണ്ടോ ?"

അച്ഛച്ഛൻ ചോദിച്ചു 

"ഉണ്ടല്ലോ"

"കൊണ്ട് വരാ , മഹാബലി നേ വരക്കാം "

അച്ഛച്ഛൻ നല്ല ഭംഗിയിൽ വരച്ചു 

"ഓണാശംസകൾ " ഉണ്ണി എഴുതി .

"ഉണ്ണി എന്താ ഹൌ ഡു ഡു അച്ഛച്ഛൻ എന്ന് വിളിക്കണേ ?" അപ്പുറത്തെ വീട്ടിലെ 

മാധവി ചോദിച്ചു .

"അതേ , അച്ഛച്ഛൻ പുറം നാട്ടിലാണെ , നാട്ടിൽ വരുമ്പോൾ എന്നോട് എപ്പോഴും ചോദിക്കും 

ഹൌ ഡു യു ഡു ന്നു "

"അങ്ങനെ അച്ഛച്ഛനെ ഞാൻ ഹൌ ഡു ഡു അച്ഛച്ഛൻ ന്നു വിളിച്ചു തുടങ്ങി ."

"'ഞാൻ പോകട്ടെ .. അച്ഛച്ഛൻ എന്നെ കാത്തിരിക്കും"

"ഉണ്ണി എവിടെയാർന്നു അച്ഛച്ഛൻ ഇനി അടുത്ത വെക്കേഷന് വരാം "

"ഉണ്ണി കാത്തിരിക്കും ട്ടോ വേഗം വരണേ ഹൌ ഡു ഡു "...........................