അബദ്ധം 24×7

നമസ്കാരം..

പ്രധാന വാർത്തകളിലേക്ക് സ്വാഗതം..

കേരളത്തിൽ ഇന്ന് നവംബർ 3..

മുഖ്യമന്ത്രി ലണ്ടനിലേക്ക് വിനോദയാത്ര പോയി..

എയർഭാരത് വിമാന സർവീസുകൾ വർധിപ്പിക്കുന്ന കാര്യത്തിൽ ആഭ്യന്തര ചർച്ച നടന്നു കൊണ്ടിരിക്കുന്നു..

നടിക്കെതിരെയുള്ള അസഭ്യം.. അമ്മായി സംഘടനയിൽ നിന്ന് നടൻ കരഘോഷ് ധനവാനെ പുറത്താക്കാൻ ഭാരവാഹികൾ തീരുമാനമെടുത്തു..

കൂടുതൽ വിശദാശംങ്ങൾക്കായി നമുക്ക് രേണുകയെ കണക്ട് ചെയ്യാം..

രേണുക എന്താണ് അവിടെ നടന്നു കൊണ്ടിരിക്കുന്നത്..

" ഹാ.. കബനി കേൾക്കാമോ.. "

ഹാ.. കേൾക്കാം പറഞ്ഞോളൂ.. എന്തൊക്കെയാണ് അവിടെ നടക്കുന്നത്..

" ഹാ.. കബനി ഇവിടെ ആണുങ്ങളും പെണ്ണുങ്ങളും മധ്യവയസ്ക്കരും വയോജനങ്ങളും എല്ലാവരും നടക്കുകയാണ്.. "

ഉവ്വോ.. ഞാൻ ഇവിടെ എസിയിലാണ്.. അധികം ഊതാതെ കാര്യത്തിലേക്ക് കടന്നാലും..

"ഹാ.. അത് പിന്നെ.. ഇവിടെ നടിയുടെ ഭാഗത്ത്‌ നിന്നുള്ള മൊഴിയെടുത്ത് കൊണ്ടിരിക്കുകയാണ്.. നടൻ കരഘോഷിനെ വിസ്തരിച്ചപ്പോൾ അറിയാൻ കഴിഞ്ഞത്.. തുടക്കം കുറിച്ചത് നടിയാണെന്നും.. തനിക്ക് ഇഷ്ടമില്ലാത്ത ഐസ് ക്രീം ഓർഡർ ചെയ്തതിലാണ് നടി അത്തരത്തിൽ പ്രതികരിച്ചതെന്നും എന്നാണ്.. "

ശരി.. രേണുക..

" അല്ല.. ഒരു മിനിറ്റ്.. ക്യാമറമാൻ വേണുവിനോടൊപ്പം രേണുക.."

ഹാ.. ശരി.. ഇത് രൂപേഷ് നമ്പ്യാരോടൊപ്പം കബനി..

" രേണുക ആത്മഗതം : ഏഹ്.. ഇവൾക്കും സെറ്റായോ.. വെരി ബാഡ്.. "

വാർത്തകൾ വീണ്ടും തുടങ്ങുന്നതാണ്.. ആഫ്റ്റർ എ ഷോർട് ബ്രേക്ക്‌..

പരസ്യം :

" ടച്ച്‌ മി ആസ് യൂ ലൈക്ക്..

ടച്ച്‌ മി ആസ് യൂ ലൈക്ക്..

ഫയറി മിൽക്ക്.. നിങ്ങളുടെ നാവിനെ തൊട്ടുണർത്തുന്ന ഫയർ..

" ഉശിരുള്ള കല്ല്

ഉയിരുള്ള കല്ല്

ഉറപ്പുള്ള കല്ല്

ഉരുൾ പൊട്ടിയാലും

ഉരുകാത്ത കല്ല്..

കാര്യസ്ഥൻ കല്ലുകൾ വീടിന് ഉറപ്പും ഉന്മേഷവും നൽകുന്നു..

കാര്യസ്ഥൻ കല്ലുകൾ.. വീടിന് കാവലായ് കാര്യസ്ഥനായ്.. കാര്യസ്ഥൻ കല്ലുകൾ..

" വക്കാം.. ഇനി ഇഷ്ടം പോലെ വക്കാം..

ചവക്കാം.. ഇനി ഇഷ്ടം പോലെ ചവക്കാം..

ഇത്.. ട്രിപ്പിൾ സ്ട്രോങ്ങ്‌ ബിരിയാണി റൈസ്..

കഴിക്കു.. കഴിക്കു.. കഴിച്ചു കൊണ്ടെയിരിക്കൂ..

" ഓടും ചങ്ക്

  ചാടും ചങ്ക്

   ചങ്ക്‌സ് അപ്

   കണ്ടാൽ നിൽക്കും ചങ്ക്‌..

ചങ്ക്‌സ് അപ്.. ഉണർവിനും ഉന്മേഷത്തിനും ഫലപുഷ്ടിയോട് കൂടിയ ശീതള പാനീയം.. ചങ്ക്‌സ് അപ്..

" അവൾ വരുന്നു.. അവനെ വരവേൽക്കാനായി.. ദാരിദ്ര്യത്തിന്റെ ചുവട്ടിൽ നിന്നും കുട പിടിച്ച് ഉയർത്താനായി..

വരുന്നു.. നിങ്ങളുടെ സ്വന്തം സീൻ ടിവിയിൽ

ദരിദ്രന്റെ ലക്ഷ്മി.. തിങ്കൾ മുതൽ ഞായർ വരെ രാത്രി 9.30 ന്..

വാർത്തകൾ തുടരുന്നു..

പ്രധാനപ്പെട്ട മറ്റൊരു വാർത്തയാണ് മായാദ്വീപ്..

കേൾവിയിൽ വിസ്മയം തോന്നിയേക്കാവുന്ന ഈ ദ്വീപ് ഭൂപടത്തിൽ രേഖപ്പെടുത്തിയിട്ടില്ലാത്ത ഒന്നാണെന്ന് പറയാം..

എന്നാൽ വർഷങ്ങൾക്ക് മുന്നേയുള്ള അത്ഭുതദ്വീപ് തന്നെയാണ് ഈ ദ്വീപ്.. പൃഥ്വിരാജ് അഭിനയിച്ച അത്ഭുതദ്വീപ് എന്ന സിനിമയിലെ ദ്വീപ് ആണ് ഈ ദ്വീപ് എന്ന് സിനിമാരംഗത്തെ പ്രമുഖർ തെളിവ് സഹിതം സമർത്ഥിക്കുന്നു.. ഗവേഷകരുടെ നിർണയത്തിൽ അറിയാൻ കഴിഞ്ഞത് ജോനാഥൻ സ്വിഫ്റ്റ് എന്ന ഇംഗ്ലീഷ് രചയിതാവ് രചിച്ച ഗളിവേഴ്സ് ട്രാവെൽസ് എന്ന കൃതിയിലെ ലില്ലിപ്പുട്ട് ആണെന്ന് പറയുന്നു.. എന്നാൽ മറ്റൊരു വഴിതിരിവിലേക്കാണ് പോയിക്കൊണ്ടിരിക്കുന്നത്..

കാടും മേടും മലയും പുഴയും താണ്ടി.. പായ്ക്കപ്പലുകളിലൂടെ സഞ്ചരിച്ചു കൊണ്ടിരിക്കുന്നു.. ആ യാത്ര ഒടുവിൽ എത്തിച്ചേരുന്നത് ഒരു ദ്വീപിന്റെ മുമ്പിലേക്കാണ്.. അവിടെ ഒരു രാജാവും പ്രജകളും ഉണ്ടായിരുന്നു.. പിന്നെ പടയാളികളും.. മഹിളാജനങ്ങളും.. കൂടാതെ സുന്ദരിയായ യുവതിയും.. ആ യുവതിയെ പ്രണയവലയിൽ കുടുക്കി റാഞ്ചിയെടുക്കാനായി തന്റെ സഹ പ്രവർത്തകർക്കൊപ്പം ആ നാവിക ഉദ്യോഗസ്ഥൻ അവിടെ കാലു കുത്തി..

നമ്പ്യാരെ ബിജിഎം ഇട്..

കബനി..

ഏഹ്.. അണ്ണാ എന്തര് അണ്ണാ.. എനിക്കെന്തര് അണ്ണാ..

ഒന്നുമില്ല കബനി.. നിനക്കൊന്നുമില്ല.. രണ്ടെണ്ണം കിട്ടാത്തതിന്റെ കുഴപ്പമാ.. വേറൊന്നുമില്ല.. നീ വാ കബനി.. നമ്മുക്ക് ഓരോ ലെമൺ ടീ കുടിക്കാം..

തത്സമയം..

ഹഹ അവൾക്കിത് തന്നെ വേണം.. അവളും അവളുടെ ഒരു ന്യൂസ്‌ ചാനലും..എന്തൊക്കെയായിരുന്നു..

ഹേയ് രേണുക.. മറ്റുള്ളവരുടെ വീഴ്ചയിൽ ഇങ്ങനെ അമിതമായി സന്തോഷിക്കുന്നത് ശരിയല്ല..

ഓ പിന്നെ.. താൻ പോടോ.. തനിക്കിങ്ങനെ ക്യാമറയും തൂക്കി ബുള്ളറ്റും ഓടിച്ചു നടന്നാൽ മതിയല്ലോ.. ഇവിടെ ക്യാമറക്ക് മുന്നിൽ മൈക്കും പിടിച്ച് സ്പീച്ചുന്നത് ഞാനാ..

ഉവ്വ്.. അങ്ങനെ സ്പീച്ചിയപ്പോൾ അന്നൊരു അബദ്ധം പറ്റിയത് ഓർമ്മയുണ്ടല്ലോ.. അന്ന് ആ മാനേജരുടെ കാല് പിടിച്ചത് കൊണ്ട് ആണ് സസ്‌പെൻഷൻ പിൻവലിച്ചത് കൊണ്ടാണ് നീ ഇപ്പോഴും ഈ മൈക്ക് പിടിച്ച് എന്റെ മുന്നിൽ നിൽക്കുന്നത്.. മനസ്സിലായല്ലോ.. എന്നിട്ടും അബദ്ധത്തിന് വല്ല കുറവും ഉണ്ടോ..

ഹാ.. അതൊക്കെ പോട്ടെ.. എന്തായാലും എന്റെ പൊളിച്ചെഴുത്തിന് പുതിയ കോൺടെന്റ് കിട്ടിയല്ലോ.. ഇനി ഞാൻ പൊളിച്ചടുക്കും.. മായാദ്വീപ്.. ഞാൻ ഇത് വച്ചൊരു കലക്ക് കലക്കും..