ആർക്കാണ് പ്രായം?

  ഉമ്മറത്ത് ഫോൺ നോക്കികൊണ്ടിരിക്കെ ആണ് അയല്പക്കത്തെ സതീഷ് കയറി വന്നത് .

" ഇന്ദുട്ട്യേ... എന്താ പരിപാടി ? "

" ഹാ. ആരിത് സതീഷേട്ടനോ ? ചുമ്മാ ഓൺലൈൻ ക്ലാസ്സിലാ ? "

" ഹാ. അച്ഛനെവിടെ ? "

" അകത്തുണ്ട്. എന്താ കാര്യം ? " 

" അടുത്താഴ്ച്ച നിന്റെ അച്ഛന്റെ പിറന്നാൾ അല്ലെ , എന്നെ വിളിക്കാത്തത് എന്താ ? "

" അച്ഛന്റെ പിറന്നാൾ അല്ലെ , അതിന് ഞാൻ എന്തിനാ വിളിക്കുന്നെ ? "

" അതെന്താ നിനക്ക് വിളിച്ചാല് ? "

" നിങ്ങൾ സമപ്രായക്കാരല്ലേ , പിന്നെ ഞാൻ എന്തിനാ...? "

" ആരാ പറഞ്ഞെ ? എനിക്കന്റെ അച്ഛന്റെ അത്ര പ്രായമൊന്നുമില്ല . "

" വെറുതെ തള്ളണ്ട . ഒരു വയസ്സൊക്കെ വ്യത്യാസം കാണും . "

" ഒന്നൊന്നും അല്ല. ഒരു മൂന്നാല് വയസ്സ് വ്യത്യാസമുണ്ട് ? "

" അതെങ്ങനെ ? "

" നിനക്കൊക്കെ വർഷാവർഷം വയസ്സ് കൂടൂലെ ? പക്ഷേ എനിക്കങ്ങനെ അല്ല. എനിക്ക് മൂന്ന് വർഷം കൂടുമ്പോഴേ വയസ്സ് കൂടുള്ളൂ. "

" അതെന്താ അങ്ങനെ ? "

" ഹാ. ഞാൻ ജനിച്ചത് ഫെബ്രുവരി 29 ന് ആണ് . "

" ഓഹോ. അപ്പൊ ഭാഗ്യം ഉണ്ടല്ലേ ? "

" ഹാ. അതാണ്. "

" എന്നാലും മൂന്ന് വർഷം പിറന്നാൾ ആഘോഷിക്കാൻ പറ്റില്ലല്ലോ ? "

" അതിന് ഇപ്പൊ എന്താ . അത്രേം ചെലവ് ഒഴിവായി കിട്ടീലെ ? "

" ഹാ. അത് ശരിയാണ് . "

" അല്ല ഇനി പറ . ആർക്കാണ് പ്രായം കൂടുതല്? " 

" എന്റെ അച്ഛന്. എന്നാലും അതെങ്ങനെ ?

" ഹാ. അതങ്ങനെയാണ്. "

ഒരു ഉൾചിരിയോടെ സതീഷ് അകത്തേക്ക് കടന്നു.