ಪ್ರೇಮ ಸಂದೇಶ
ಪ್ರೇಮ ಸಂದೇಶ
ಪ್ರೀತಿಯ ಸುಳಿಗೆ
ಸಿಲುಕಿ ಹೋದೆ ಆಗಲೆ
ನೀ ನನ್ನ ಕಣ್ಣ ಮುಂದೆ
ಬಂದ ಕೂಡಲೆ!!
ಕೈಗೆ ಸಿಗದ ಪಾರಿಜಾತವೇ
ನಿನ್ನಯ ಬಿಂಬ
ಹೇಗೆ ನಾನು ಬಣ್ಣಿಸಲಿ
ನಿನ್ನಯ ಅಂದಚಂದ!!
ನೂರಾರು ಜನುಮ ಬಂದರೂ
ಹೀಗೆ ಇರಲಿ ನಮ್ಮಯ ಒಲವು
ಈ ಅನುರಾಗದ ಸಂಬಂಧವು
ನಲಿಯುತ ಸಾಗಲಿ ಬಂಧವು!!
ಶ್ರುತಿ ತಪ್ಪಿದ ಹಾಡಿಗೆ
ನೀನೆ ಅನುರಾಗವು
ನನ್ನ ಬಾಳ ಪ್ರತಿಹೆಜ್ಜೆಗೆ
ನೀನೆ ಶುಭಯೋಗವು!!
ದೇವರು ತಾನೆ ಬೆಸೆದಿರುವ
ನಮ್ಮೀ ಅನುಬಂಧ
ಹರಡಲಿ ಎಲ್ಲೆಲ್ಲೂ
ನಮ್ಮೀ ಪ್ರೇಮ ಸಂದೇಶ!!
✍️ ಪುಷ್ಪ ಪ್ರಸಾದ್