ಕೊನೆಯ ಕ್ಷಣ

ಕೊನೆಯ ಕ್ಷಣ 

ದೈವವಿತ್ತ ಬದುಕು ಇದುವು
ತಿಳಿಯದು ವಿಧಿಯ ಆಟವು
ಇರುವಷ್ಟು ದಿನ ಮಾತ್ರ ಸುಖ-ಸಂತಸವು
ಇಲ್ಲ ಇವರಿಗೆ ಬೇರೆ ವೈಭವವು!!

ಜೀವ ಉಳಿಸಲು ಹಗಲು ರಾತ್ರಿ ಹೋರಾಟ
ಆಸ್ಪತ್ರೆಗಳಿಗೆ ನಿತ್ಯವೂ ಬಿಡುವಿಲ್ಲದೆ ಅಲೆದಾಟ
ಮಗ ಬದುಕುಳಿಯಬಹುದೆಂದು ಭರವಸೆಯ ನೋಟ
ದೇವರೇ.. ಏನಿದು ನಿನ್ನಯ ಆಟ?

ಕೊನೆಗೆ ದಯಾಮರಣದ ಆದೇಶವು 
ಈಗ ತೀರ್ಪು ದೊರೆತುದೇ ಅಮೂಲ್ಯವು
ಮಲಗಿದಲ್ಲೇ ಕಣ್ಣುಗಳ ಪಿಳಿ ಪಿಳಿ ನೋಟವು
ಖುಷಿಯ ಕಾಣದ ಜೀವವು!!

ಕರುಣೆ ತೋರದ ದೇವರು
ನಿಂತಿತು ಶಾಶ್ವತವಾಗಿ ಉಸಿರು 
ಕ್ಷಮಿಸುತ್ತಾ ಕಳಿಸಿ ಕೊಟ್ಟರು ಹೆತ್ತವರು
ಮುಗ್ಧತೆಯ ಲೋಕದಲಿ ಬರಿದಾದ ಇವರು!!

✍️ ಪುಷ್ಪ ಪ್ರಸಾದ್