ಮನದ ಕಂಪನ

ಮನದಲ್ಲೇನೋ ಒಂಥರಾ ಕಂಪನ
ನಿನ್ನ ಸೇರಲು ಯಾಕೋ ತವಕ 
ಈ ಪ್ರೀತಿಯ ಭಾಷೆಗೆ ಏನೆನ್ನಲಿ
ಮೈಜುಮ್ಮೆನ್ನುತ ನಿನ್ನ ಮಾತಿನಲಿ!!

ನಿನ್ನ ಸ್ವರ ಕೇಳುತಿರೆ ಚೈತನ್ಯ ತುಂಬಿದೆ
ಮನವೆಂಬ ಹಕ್ಕಿ ಆಕಾಶದಿ ಹಾರಿದೆ
ತುಂಬಿದೆ ಉಲ್ಲಾಸ-ಉತ್ಸಾಹ ನನ್ನಲ್ಲಿ
ಚಡಪಡಿಸಿದೆ ಈ ಮನ ಸೇರಲು ನಿನ್ನಲ್ಲಿ!!

ಪ್ರೀತಿಗೆ ಸಿಕ್ಕಿದೆ ನಗುವಿನ ಆನಂದ
ತೆರೆದಿಟ್ಟಿದ್ದೇನೆ ಹೃದಯ ಕದವ ನಿನಗಾಗಿ 
ಹೊಳೆ ಹರಿದು ಸೇರುವಂತೆ ಸಾಗರ
ಒಲವಿಂದ ಬಂದು ಸೇರು ನನಗಾಗಿ!!

✍️ ಪುಷ್ಪ ಪ್ರಸಾದ್