ಲೇಖನಿಯೆಂಬ ರಸಿಕ

ಲೇಖನಿಯೆಂಬ ರಸಿಕ
ಲೇಖನಿಯೆಂಬ ರಸಿಕನಿವ ಬಿಳಿಹಾಳೆ ಪ್ರೀತಿಸುವ ಸದಾ ಮುತ್ತಿಡುವನು ಅವಳ ಎದೆಯ ಮೇಲೆ ಹಣೆಮೇಲೆ ಬಿಂದಿಯು ತಲೆಬರಹ ಲೀಲೆ ||ಪ||

ಪೋಣಿಸಿದ ಮುತ್ತುಗಳು ದುಂಡು ಮಲ್ಲಿಗೆ ಅರಳು ಗೆರೆಮೇಲೆ ಕೆತ್ತಿದನು ದುಂಡು ಲಿಪಿಯ ಎಡಪಕ್ಕೆ ಮುಟ್ಟನಿವ ಮೈತುಂಬ ಉಡಿಸಿದನು ಕೆಳಪಾದ ಮುಚ್ಚನಿವ ತೆರೆದ ವಪೆಯು.! ೧

ಕರಿಮಣಿಯು ವರ್ಣಗಳು ಚಂಬವಳ ಕೆಂಪುಮಸಿ ಬ್ರಹ್ಮನವ ರುಜುಮಾಡಿ ಸರಿ ಎಂದನು ಆಕೃತಿಮಾದೊಳಗಡೆಗೆ ಧ್ವನಿಮಾಗಳು ರಿಂಗಣಿಸಿ ಎದೆಹರವಿ ಚಿಗುರಿರುವ ಆ ವಸಂತನು.! ೨

ನಡೆವಾಗ ಎಡವಿರುವ ತಪ್ಪುಗಳ ಹೊಡೆದಾಕಿ ಹೊಮ್ಮರಳಿ ನೋಡಿದರೆ ಕಪ್ಪು ಚುಕ್ಕೆ ಚಾರಿತ್ರ್ಯ ವಿಶೇಷತೆ ಕೆಳಗಡ್ಡ ಗೆರೆ ಎಳೆದು ವಾಚಳಿಗೆ ತೊಡಿಸಿರುವ ಬಾಯಿ ಕುಕ್ಕೆ.! ೩

ಬಾಲರವಿ ತಲೆಬರಹ ಸುಂದರಿಯ ತುಟಿಗಳಿಗೆ ಕೆಂಬಣ್ಣ ಸವರಿಹವು ಮುದ್ದು ಬೆರಳು ಇತಿಹಾಸ ಕಥೆನೂರು ಬದುಕುಂಟು ಹೆಣಬಿತ್ತು ಒಳಸಾರ ಒಳಗೊಂಡ ಕಡಲ ಹರಳು.! ೪

ಗುರುವಿಂದ ವರವಾಗಿ ಹರಿಯಾಗಿ ತೊರೆಯಾಗಿ ಕೈಯಿಂದ ಹಾಳೆಯಲಿ ನೆಲೆಗೊಂಡಿವೆ ಗರಿಗಳಲಿ ಶಿಲೆಗಳಲಿ ಎದೆಗಳಲಿ ಮಡುವಾಗಿ ಜೀವಜಲ ಜೀವನದಿ ಬಲದುಂಬಿವೆ.! ೫

- ಜೀವರಾಜ ಛತ್ರದ