ಕಹಿ ಸತ್ಯ

ಪ್ರಸಿದ್ಧಿಯೋ ಪ್ರಪಾತವೋ

ನಾ ಒಂದೂ ಅರಿಯೇ..

ಪ್ರಸಿದ್ಧಿ ಹೆಚ್ಚಿದಂತೆಲ್ಲಾ

ಮನುಷ್ಯನ ಅಧಃಪತನವೂ ಆರಂಭ..

ಸ್ನೇಹಿತರು ಅಂದುಕೊಂಡವರೇ 

ವೈರಿಗಳು..

ಅಂದುಕೊಂಡ ಸ್ನೇಹವೇ ಶತ್ರು

ವೈಯಕ್ತಿಕ ವಿಷಯಗಳೇ ಆಯುಧ

ಮನಸ್ಸಿನ ಭಾವನೆಗಳೇ ಮುಳ್ಳು

ದಿನವಿಡೀ ಅವರ ಮಾತಿಗಾಗಿ

ಹಂಬಲಿಸಿದ ಜೀವ

ಇಂದು ಬಯಸುತಿದೆ ದೂರ

ಅವರಿಂದ ಬಹುದೂರ ಸಾಗಲು..

ನಡೆದ ತಪ್ಪಿನ ಅರಿವಿಲ್ಲ

ತಪ್ಪು ಮಾಡದೆ ತಪ್ಪಿತಸ್ಥನ ಪಟ್ಟ

ಮೋಸ ವಂಚನೆ ಸಾಮಾನ್ಯ

ನಂಬಿಕೆ ಮುರಿದ ಮೇಲೆಯೇ

ದೊರಕಿತು ಎಲ್ಲರ ನಂಬಿದ ಫಲ..