ಬದುಕು

ವರ್ಣಿಸಲು ಬಾರದಂತೆ

ನೂರಾರು ತಿರುವುಗಳು

ಬಾಳಬಂಡಿಯೇ ಒಂದು ಕಥೆ

ಜೊತೆಗೆ ಕ್ಷಣ ಕ್ಷಣಕ್ಕೂ ಕಾಡುವ ನೋವುಗಳು..//

ಯಾರದೋ ಆಗಮನ ಅನಿಶ್ಚಿತವಾಗಿ

ಖಿನ್ನತೆಯ ಬದುಕ ಶಮನವಾಗಿಸಲು

ನೀತಿಯ ತೊರೆದು ಸಾಲು ಸಾಲಾಗಿ

ಮನ ಕೆಡಿಸಿ ಬರವಸೆಯ ಮೂಡಿಸಿ ನೋವ ಶಾಶ್ವತವಾಗಿಸಲು..//

ಮನದ ನಿಲ್ದಾಣದಲ್ಲಿ ಬಂದಿಳಿದರು ಹಲವರು

ಜೊತೆಗಿದ್ದು ಹೆಜ್ಜೆ ಹಾಕಿದ್ದು ಮಾತ್ರ ಕೆಲವರು

ಕೆಲವರನ್ನು ಹಲವರೆಂದು ಭಾವಿಸಿ ಬದುಕಬೇಕು

ಬಿಟ್ಟುಹೋದವರು ನಮ್ಮವರಲ್ಲ ಎಂಬುದ ಮೊದಲು ಅರಿಯಬೇಕು..//