ಶುಭೋದಯ

ರವಿಯ ಪ್ರೀತಿಗೆ ಸೋತು

ಅರಳಿ ನಿಂತಿವೆ ಸೂರ್ಯಕಾಂತಿಯ ಘಮ

ಜೊತೆ ನೀಡಿವೆ ಮಳೆ ಹನಿಯ ತುಂತುರು

ಹಕ್ಕಿಗಳ ಕಲರವ.. ಜಿಗಿ ಹುಳುಗಳ ಝೇಂಕಾರ

ಆಯಿತಾಗಲೇ ಹೊಸ ಕನಸುಗಳ ಶುಭೋದಯ

ಮತ್ತೆ ಬಂದಿವೆ ಹೊಸ ಚೈತನ್ಯದ ನವ ದಿನ

ಹೊತ್ತು ತಂದಿದೆ ಹೊಸ ಬಯಕೆ ಹೊಸ

ಕನಸುಗಳ ನವ ಜೀವನ

ಕಂಡ ಕನಸುಗಳ ನನಸಾಗಿಸೋ ಛಲ

ಸಾಧನೆಯ ಹಾದಿಯಲಿ ಮುನ್ನಡೆಯುವ ಹಂಬಲ

ನಿನ್ನೆಗಳ ನೋವಿನಲಿ ಇರಲಿ ನಾಳೆಗಳ ಬಲ

ಈಡೇರಲಿ ನಿನ್ನೆಲ್ಲಾ ಕನಸುಗಳ ಆಗರ...

ಹೊಸ ಕನಸ ಹೊತ್ತು ಏರಿದ್ದಾನೆ ಸೂರ್ಯ ಮೂಡಣ

ನೀ ತೊಡು ಅದ ಈಡೇರಿಸುವ ಕಂಕಣ

ಗಮ್ಯ ಸೇರಲಿ ನಿನ್ನ ಪಯಣ...

ಸೋಲಿದ್ದರೂ ಗೆಲ್ಲಬೇಕು, ಅದೇ ಜೀವನ...!