लाइब्रेरी
प्रोफाइल
चमुखे
चमुखे
1 min
254
सारी उम्र धोखे गै खादे
तरदे हे पर गोते गै खादे
कडने आला कोई नी जुडया
सारें कोला डोवे गै खादे।
मेरे मनै दा चाह तू नी पुच्छया
तुगी पल पल हर जगह तुपया
मनै दा बसोस मनै बिच रैया
तूं असैंगी इक पल भी नी पुच्छया।
तुगी मिलने दा चाह हा
तू पहचान गै नी कीती
जागदे जागदे रात कट्टी
तू रेई सुत्ती दी सुत्ती
आस अजै भी बथैरी
गल्ल इत्थै गै नी मुक्की।
पुआने टूरी टूरी पेई गे छालै
लान वूट जराबां कर्मे आले
साड़े ताईं इक्के नै के गर्मी ते
के पाले।
सोने गी रजाई नी
खाने गी मलाई नी
फक्करें ऐमे दिन कड्डे
साड़े ताईं के निक्के के बड्डे।
लडदे लडदे थक्की गई आं
आक्खी आक्खी अक्की गई आं,
तू नी सुदरया अज्जे तक
मौया, गफ्फे तौली तौली पक्की गई आं।
